ده انا لو قاتله قتيل مش هيحصلي كل ده في يوم واحد 🤦🏻♀️ بعد ما مليت الكرش بنجاح 😅 قولت اتمشي لحد المكان اللي هركب منه فضلت ساعه ملقتش حاجه اركبها و كنت طالبه اوبر في نفس الوقت ف لا لقيت باص و لا لقيت اوبر ف اتعصبت و انا لما بتعصب باخدها مشي و قولت والله لأتمشي لحد ما اهدي و بالمره امشي في شارع هادي و اطلب ساعتها الأوبر و ياريتني ما اخدت القرار ده 🤷🏻♀️🤦🏻♀️ لقتني بتمشي علي رصيف في النص ومن اليمين و الشمال علامات ممنوعه الوقفه هنا و انا مش شايفه ناس و مكبره دماغي لا و اي حاطه airpods في ودني هوب الاقي صوت عالي بيناديني معرفش منين ، وقفت الاغاني ولقيت ظابط في ناحية اليمين بيقولي بتعملي اي هنا قولتله بطلب اوبر ، قالي عديلي،قولتله مانا مش عارفه الاوبر هيجي من اليمين ولا الشمال لقيته بيقولي بقولك عديلي ف انا الحقيقه مش بتهز بس صوته خوفني ف عديت ف قالي انتي رايحه فين و مين و بتعملي اي هنا، قولتله انا والله تهت ف طلبت اوبر قالي خلاص خليكي واقفه هنا مع انه ممنوع و بصراحه طريقته كانت كويسه جدا و كان كبير في السن ف خفت اسأل ممنوع ليه و طلعت فين بقي يا حلوين ، قدام قصر الإتحاديه🤦🏻♀️🤦🏻♀️ والراجل الاوبر اول ما جه كان بيبصلي بصات غريبه لحد ما كان بيطلب الpin فقولتله طب امشي بس علشان ممنوع ف لقيته بيقولي هو حضرتك مش مصريه و لا انتي منهم ف قولتله ليه انا مش فاهمه حاجه قالي انتي بجد و لا مش معانا و فهمني بقي
يا سلام اما قصه

لا و اي تاني موقف مش اول مره 😅
اي القصيده دي كلها الله يخربيت ام الشاورما 😂😂😂
كل ده بسبب الشاورما 🤦🏻♀️
1حتة الميرغني دي حصلت معايا هناك برضه في نص الليل 😅
1مبقتش عايزة اروح تاني 😂
عملتي شبهي وقفت بالاسكوتر قدام مبني المخابرات وريحت وقعدت اتكلم في الفون لقيت اكتر من شخص في قفايا 😂😂😂
1طب الحمدلله انا مش لوحدي 😅
كنتي هتتسجني بسبب سندوتشين شاورما😂😂😂 بعد الشر عليكي يعني😄
تخيل بقي 😂
محدش بيعمل اللي انت بتعمليه ده😂
اقسم بالله انا ايامي كلها مغامرات 😂😂 انا بفكر اكتب يومياتي و الله
ايوا اعملي كدا مستني اشوف قصة أسطورية زي قصة ايشا كدا😂😂
زي قصة اي ؟
محمد ايشا ده واحد دخل نهائي فاينال كاس العالم و قعد شاكيرا و مايك تايسون في المقصورة بتاعتهم😂 من غير تيكت ولا انفتيشن😂
تصدق ممكن 😂😂
مش عارف ازاي مش عارفة القصة دي حلقة ملهمة فشخ😄😄
هعمل سيرش و اشوفها 😅
1نفس اللي بيحصل عند المحل اللي في وش قصر الاتحاديه لما بنركن العربيه ونزل بضاعه الحكومه كل شويه تيجي عندنااااا
😂
1محل قهوه في وش قصر الاتحاديه
وده يعلمنا اننا منحطش الايربودز واحنا ماشيين في اماكن عامه😂😂
1مامتي طلع عندها حق والله 😂
2دايما بيبقى عندهم حق ربنا يحفظهم
1
اسف بس يا مجنونه دا كان اضرب عليكي. نار عادي
اسف اي بقي ، انت خليت فيها اسف😢 انت و الشاورما عليا 😔