سوال في بالي بقاله شويا.. هو الواحد لو ظروفه الماديه وحشه من حقه انه يخلف و يبقى عنده اولاد؟! هل الاولاد دول كدا هيبقى اتظلموا ان كل الي عملوه في حياتهم عشان يمرو بظروف صعبه هو ان باباهم كان نفسوا في عيال و قرر يخلف و مفرقش معاه انهم ممكن يعانوا في حياتهم نتيجه قرار لحظي من باباهم…
انا شايفه ان الاهالى متخدش قرار الخلفه لمجرد انهم عايزين ده لما الطفل يتولد فى بيئه ماديه مرتاحه نسبيا للظروف الاقتصاديه اللى هيمروا بيها …. هيبقى احسن كتير اه مش شرط يبقى مترفرلهم كل حاجه بس بردو ميبقرش عاجزين عن انهم يعيشوا حياه مريحه……فى الخلفه مش مجرد قرار ابوه هى مسؤليه تكاد تكون اكبر من مسؤليه الجواز نفسه
2اتفق جدا
سؤال مبناسبه الموضوع ده هل الخلفه فى الوقت اللى احنا فيه ده و سط كل التغيرات قرار مثالى هيبقى فى مصلحه الطفل اللى جى بعنى هل سهل يتربى على المبادئ و العادات اللى اتربينا عليها زمان ولا هيبقى تحدى
اظن لازم نتحدى البيئه و نجيبهم و نربيهم عشان الفساد الاخلاقي و المجتمعي موجود طول الوقت من ايام الفراعنه كل اشكال الفساد موجوده. موضوع التربيه دا الحاجه الوحيده الي لازم منخفش منها و نبذل فيها مجهود
هو بالرغم من انه تحدى صعب بالذات فى الوقت ده بس اتفق مع كلامك
1يمكن زمان كان ينفع بس دلوقتي في الزمن ده صعب جدا . على الاقل الاساسيات تكون متوفرة من غير صعوبة
1الصراحة تبقي انانية لو عايز تخلف و مفكرتش ف ان ازاي ابنك دا بعد كدة هيعاني عشان تعيشه عيشة كويسة ف مجتمعنا دلوقتي اقل حقوقه حتي و هو طفل اكله و ادويته و لبسه بقت بمبالغ حتي انت ك أب مش هتعرف تفرح ب ابنك هتبقي طول الوقت شايل الهم و هتحسه انه عبئ عليك ف انا شايفة انها مسئولية كبيرة محتاجالها تدبير مادي و نفسي كمان
لا
انانية اوي اني اجيب طفل مش مستعدة ليه نفسيا و ماديا و افرض عليه حياة صعبة لمجرد اني عايزة طفل و خلاص ، الاطفآل مسؤولية لازم تكون مدروسة كويس اوي عشان نقدر نربيهم و نطلعهم كويسين
ناس كتير هتقول العيال بتيجي برزقها بس بصراحه انا مبقتنعش بالكلام ده، ميبقاش ظروفي وحشه وعايش حياه صعبه اصلا واجيب اشخاص تانيه تتكدر معايا عشان انا زهقان وعايز اجيب عيال تسليني ، الواحد لو مش هيخلي حياة عياله احسن من حياته يبقى بلاش
🔝بظبط ، الهدف ان يخلف عشان يدي حياه و فرصه احسن لعياله.